“Əliağa Kürçaylı – 90” adlı kitab sərgisi açılıb

Azərbaycan Milli Kitabxanasında Azərbaycan ədəbiyyatının tanınmış nümayəndələrindən biri, şair, dramaturq, tərcüməçi Vəliyev Əliağa Həsənağa oğlunun (Əliağa Kürçaylı) anadan olmasının 90 illiyi münasibətilə "Əliağa Kürçaylı – 90" adlı kitab sərgisi açılıb.SİA-nın məlumatına görə, sərgidə şairin müəllifi olduğu Azərbaycan və rus dilində olan kitabları, sözlərinə yazılmış musiqilər, redaktoru olduğu, tərcümə etdiyi, ön söz yazdığı kitablar və şair haqqında ayrı-ayrı müəlliflərin yazmış olduqları kitablar, qəzet-jurnal materialları sərgilənmişdir. Sərgi həftə ərzində davam edəcək.

sia.az