Sumqayıt Dövlət Rəsm Qalereyasında sərgilər keçirilib

Sumqayıt Regional Mədəniyyət və Turizm idarəsinin təşəbbüsü ilə Sumqayıt Dövlət Rəsm Qalereyasında balaca rəssam Mehriban Əliyevanın "Rənglərin dünyası" adlı fərdi sərgisi keçirilib. SİA-nın məlumatına görə, Sumqayıt şəhər Təhsil İdarəsi, Məhəmməd Füzuli adına 15 sayli tam orta məktəb və Sumqayıt Dövlət Rəsm Qalereyasının birgə təşkilatçılığı ilə keçən sərgidə 50 yaxın rəsm işləri səgilənib.Tədbirdə 15 saylı tam orta məktəbin rəsm müəlliməsi Sevda Bənnayevanın şagirdi Əliyeva Mehriban Elman qızını tədbir iştirakçıları təbrik edərək hədiyyələr və fəxri fərmanlarla təltif ediblər.Sumqayıt Dövlət Rəsm Qalereyasında daha bir tədbir 8 mart Beynəlxalq Qadınlar günü münasibətilə baş tutub.Tədbirdə gənc rəssam və dekorativ tətbiqi sənət ustası, dizayner Tərlan Hacıyeva və onun tələbələrinin rəsm və əl işlərindən ibarət sərgisi nümayiş olunub. Sərgi LLBS tədris mərkəzinin, Start Education Centre və Sumqayıt Dövlət Rəsm Qalereyasının birgə təşkilatçılğı ilə keçirilib. Sərgini keçirməkdə məqsəd gənc nəslin incəsənətə olan marağını artırmaq və Azərbaycanda yetişməkdə olan gənc rəssamları tanıyıb tanıtmaqdır. Sərgidə 90 ədəd rəsm əsəri və 50 ədəd dekorativ tətbiqi işlər təqdim olunub.Tədbirdə Sumqayıt Dövlət Rəsm Qalereyasının direktoru Ellada Həsənova, Sumqayıt şəhər Gənclər və İdman Baş İdarəsinin əməkdaşı Ceyhun Hüseynov çıxış edərək xanımları bayram münasibətilə təbrik edib və gənc rəssamları fəxri fərman və hədiyyələrlə təltif ediblər.Tədbirdə S.Rüstəmov adına UİM-in skripka şöbəsinin şagirdlərinin ifasında klassik musiqilər dinlənilib.

sia.az