Cocuq Mərcanlıda Novruz bayramı keçiriləcək

Sabah Cəbrayıl rayonunun Cocuq Mərcanlı kəndindəki “Qayıdış” parkında Novruz bayramına həsr olunmuş tədbir keçiriləcək. SİA-nın məlumatına görə, 2016-cı ilin aprel döyüşləri zamanı Azərbaycan Ordusu tərəfindən azad edilən və dövlət başçısının xüsusi diqqəti sayəsində qısa müddətdə yenidən qurulan Cocuq Mərcanlıda bayram tonqalı yandırılacaq. Bayramın rəmzləri olan Bahar qızı, Kosa və Keçəl qonaqları salamlayacaq, incəsənət ustalarının ifasında konsert proqramı təqdim olunacaq.

sia.az