16-21 iyul tarixlərində Mərakeş Krallığının Mərakeş şəhərində keçirilən Beynəlxalq Statistika İnstitutunun 61-ci dünya statistika konqresi öz işini yekunlaşdırıb. SİA-nın verdiyi məlumata görə, BMT-nin Avropa iqtisadi Komissiyasının ekspert qrupunun üzvü olan Almaniya və İsveçrənin statistika qurumlarının nümayəndələri ilə yanaşı tədbirdə Azərbaycan Respublikası Dövlət Statistika Komitəsinin Əmək statistikası şöbəsinin müdiri Nemət Xuduzadə də iştirak edib.Dünya Statistika Konqresi çərçivəsində Beynəlxalq Əmək Təşkilatının təşkilatçılığı ilə “Layiqli əməyin ölçülməsi, keyfiyyətli məşğulluq və keyfiyyətli iş yerləri: beynəlxalq standartlar çərçivəsində müqayisəlilik və milli təcrübələr” adlı sessiya da təşkil edilib. Sessiyanın məqsədi layiqli əməyin ölçülməsi, keyfiyyətli məşğulluq və işin keyfiyyəti üzrə beynəlxalq statistik standartlar çərçivəsində müxtəlif növ göstəricilər arasında fərqli cəhətlərin mövcudluğu və bununla bağlı müzakirələrin aparılmasıdır.Beynəlxalq tədbirdə “Layiqli əməyin ölçülməsi:Azərbaycan təcrübəsi” mövzusuda təqdimat olub və bu sahədə görülmüş işlər haqqında geniş məlumat verilib.
sia.az
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
