Azərbaycanın energetika naziri OPEC+ ölkələri nazirlərinin V iclasında iştirak edəcək

Azərbaycanın energetika naziri OPEC+ ölkələri nazirlərinin V iclasında iştirak edəcək.

Energetika Nazirliyindən bildirilib ki, Neft İxrac Edən Ölkələr Təşkilatının (OPEC) baş katibi Məhəmməd Sanusi Barkindonun dəvəti ilə energetika naziri Pərviz Şahbazov dekabrın 4-7-də Avstriyanın paytaxtı Vyanada səfərdə olacaq. Nazir OPEC-ə üzv və kartelə daxil olmayan ölkələrin Nazirlərinin Birgə Monitorinq Komitəsinin XII iclasında iştirak edəcək.
Nazir dekabrın 7-də isə OPEC Nazirlər Şurasının 175-ci iclası çərçivəsində OPEC və qeyri-OPEC nazirlərinin V görüşünə qatılacaq.
Səfər zamanı bir sıra ikitərəfli görüşlər də planlaşdırılır.
Azərbaycan dünya neft bazarında tarazlığın və neftin qiymətinin sabitləşdirilməsi məqsədilə aparılan məsləhətləşmələrdə ilk vaxtlardan yaxından iştirakını davam etdirməkdədir.

yap.org.az