İqtisadiyyat

  • 3 768

Azərbaycan Lüksemburq Beynəlxalq Bazarında böyük stendlə təmsil olunub

image

Azərbaycan-Lüksemburq Ticarət Palatasının və bu ölkədə fəaliyyət göstərən “Qarabağ” Assosiasiyasının birgə təşkilatçılığı ilə Lüksemburq Beynəlxalq Bazarında ölkəmiz böyük stendlə təmsil olunub.

Beynəlxalq Bazar Lüksemburqun Böyük Hersoqinyasının himayəsində təşkil olunur. 60 ölkənin iştirak etdiyi Beynəlxalq Bazarda ölkəmiz 2011-ci ildən iştirak edir və stendimiz ziyarətçilərdə böyük maraq doğurur.
Milli ornamentlərlə bəzədilmiş stendimizdə Heydər Əliyev Fondunun ölkəmizin tarixi, mədəniyyəti, musiqisi, mətbəxi ilə bağlı nümayiş olunan nəşrləri lüksemburqlulara və turistlərə ölkəmizlə yaxından tanış olmağa imkan verir.
İki gün davam etmiş Lüksemburq Beynəlxalq Bazarında ziyarətçilər Azərbaycan qonaqpərvərliyinin şahidi olub və “Azərsun”, “ASPİ Savalan”, “Gilan”, “Viva” kimi şirkətlərin yüksək keyfiyyətli şərablarını, təravətli çayını, nar şirəsini, gül və əncir mürəbbəsini, ənənəvi şirniyyatlarını, paxlava və şəkərburasını dadıb və alıblar. Milad bayramı ərəfəsində hədiyyə etmək üçün orijinal incə əl işlərini, UNESCO-nun Bəşəriyyətin qeyri-maddi mədəni irsi siyahısına daxil edilmiş kəlağayılarını əldə ediblər.
Milli ornamentlərlə bəzədilmiş stendimizdə ölkəmizin tər meyvə və tərəvəzləri (nar, heyva, xurma, feyxoa, pomidor, xiyar) də təqdim olunur.
Lüksemburqda yaşayan azərbaycanlılar ölkəmizin tanıdılması istiqamətində bütün səylərini səfərbər edir və burada təşkil olunan beynəlxalq tədbirlərdə fəal iştirak edirlər.
Stendi ziyarət edən Lüksemburqun baş naziri Ksavye Bettel Azərbaycan qonaqpərvərliyi ilə qarşılanıb. O, stendimizdə təqdim olunan məhsullarla maraqlanıb.
Qeyd edək ki, multikulturalizm mühitində fəaliyyət göstərən Lüksemburq Beynəlxalq Bazarı xeyriyyəçilik məqsədilə keçirilir, əldə edilən gəlir köməyə ehtiyacı olan ölkəyə verilir.

yap.org.az.

Digər xəbərlər