DÇ-2018-ə vəsiqəni təmin edən komandaların sayı 28-ə çatıb

Gələn il Rusiyada keçiriləcək futbol dünya çempionatının final mərhələsində iştirak edəcək komandalardan daha ikisinin adı məlum olub. SİA-nın məlumatına görə, son olaraq İsveçrə və Xorvatiya mundiala vəsiqə əldə ediblər.Bununla da DÇ-2018-ə vəsiqəni təmin edən komandaların sayı 28-ə çatıb: Rusiya (təşkilatçı ölkə), Almaniya (son dünya çempionu), İngiltərə, Belçika, İslandiya, İspaniya, Polşa, Portuqaliya, Serbiya, Fransa, Argentina, Braziliya, Misir, İran, Kolumbiya, Kosta-Rika, Meksika, Nigeriya, Panama, Səudiyyə Ərəbistanı, Uruqvay, Cənubi Koreya, Yaponiya, Seneqal, Tunis, Mərakeş, İsveçrə, Xorvatiya.

sia.az