“Səs” qəzetinin kollektivi Fəxri Xiyabanda olub

Dünən “Səs” qəzetinin yaranmasının 27 illiyi münasibətilə qəzetin rəhbərliyi başda olmaqla, media kapitanları, kollektivin üzvləri Fəxri Xiyabana gələrək xalqımızın Ümummilli Lideri, müasir, müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri düzüblər. SİA-nın verdiyi məlumata görə, görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.
Fəxri Xiyabanı ziyarət edənlər arasında “Azərbaycan” nəşriyyatının baş direktoru Ağabəy Əsgərov, “Yeni Azərbaycan” qəzetinin baş redaktoru, millət vəkili Hikmət Babaoğlu, “İki sahil” qəzetinin baş redaktoru Vüqar Rəhimzadə də olub.