Bu gün keçirilən AFFA-nın XXV Konfransında UEFA İcraiyyə Komitəsinin üzvü Con Deleyni də iştirak edib. SİA-nın məlumatına görə, tədbirdə çıxış edən qonaq Azərbaycanda olmaqdan məmnunluğunu ifadə edib: "UEFA İcraiyyə Komitəsinin adından sizi salamlayıram. Azərbaycanlı futbol həmkarlarımla burda olmaq xoşdur. "Bakı 2015" I Avropa Oyunlarında da iştirak etmişəm. Çox möhtəşəm tədbir idi”.UEFA-nın Konqresində bir sıra qərarların qəbul olunduğunu deyən C.Deleyni qurumun yeni rekordlar vuracağını diqqətə çatdırıb. O, AFFA-nın gördüyü işlərə diqqət çəkib: "Biz bir sıra layihələrə dəstək olacağıq. Futbol təkcə pulla bağlı olan sahə deyil. Azərbaycan bu istiqamətdə böyük nailiyyətlər əldə etməkdədir. Bunu hesabatdan da, komandalarınızın çıxışlarından da görmək mümkündür. “Qarabağ”ın “Atletiko” ilə oyunları çox əla idi. 2019-cu il Avropa Liqasının finalı üçün Bakı Olimpiya Stadionuna səs verdim. Bakı AVRO-2020-də qlobal mərkəz olacaq".
sia.az
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
