TAP-ın prezidenti Walter Peeraer Azərbaycana gələcək

TAP-ın prezidenti Walter Peeraer Azərbaycana gələcək. Xəbər verilir ki, TAP-ın prezidenti mayın 30-31-də Bakıda keçiriləcək Beynəlxalq “Caspian Oil and Gas” konfransında iştirak edəcək. W.Peeraerin “Caspian Oil and Gas” konfransının “Son 25 ildə Xəzər dənizinin Azərbaycan sektorunda yatırılan investisiyalar, ixrac üçün imkan və potensial” adlı sessiyada məruzəçi qismində çıxış edəcək.
Həmin sessiyada SOCAR-ın sərmayələr və marketinq üzrə vitse-prezidenti Elşad Nəsirov, “Cənub Qaz Dəhlizi” Qapalı Səhmdar Cəmiyyətinin (CQD) baş direktoru Əfqan İsayev və başqalarının məruzələri dinləniləcək.
Sona Vəliyeva: “Rüstəm İbrahimbəyov siyasi və biznes ambisiyalarına görə öz xalqına qarşı bu xəyanətkar addımı atmamalı idi”
“Rüstəm İbrahimbəyov siyasi və biznes ambisiyalarına görə öz xalqına qarşı bu xəyanətkar addımı atmamalı idi. Hər bir ziyalı bu məsələyə öz münasibətini bildirməlidir. Bunun başqa adı yoxdur, bu, xəyanətdir. Xəyanət də bu və ya digər formada müzakirə olunmur”.
Bu fikirləri AZƏRTAC-a açıqlamasında “Kaspi” qəzetinin təsisçisi, filologiya üzrə fəlsəfə doktoru Sona Vəliyeva “Qafqaz üçlüyü” filminə münasibət bildirərkən deyib. Sona Vəliyeva qeyd edib ki, Azərbaycan xalqı bu filmdə təhqir olunub. Rüstəm İbrahimbəyov bu addımı siyasi və biznes ambisiyalarına görə atıb. Bizim torpaqlarımızın 20 faizi Ermənistan silahlı qüvvələri tərəfindən işğal olunub, 1 milyondan çox qaçqın və köçkünümüz var, Xocalı soyqırımı kimi böyük bir faciə yaşamışıq. Bütün bunların üzərində xoşbəxtlik piramidası qurmağa çalışan Rüstəm İbrahimbəyov bu mənfur niyyətlərini həyata keçirmək istəyir. Onun ürəyindən Oskar, Nobel mükafatları qazanmaq keçir. Qoy gedib nailiyyətini başqa yerdə axtarsın. Bu xalqın faciəsinin, dərdinin üzərindən şöhrət qazanmaq olmaz. Bu, ona heç vaxt uğur gətirməz. Biz belə insanları lənətləməliyik. Sona Vəliyeva vurğulayıb ki, vaxtilə əsərləri ilə özünü bizə tanıtdıran Rüstəm İbrahimbəyov bu gün əsərləri ilə özünə nifrət qazandırır. Bu dövlət ulu öndər Heydər Əliyevin bizə qoyduğu əmanət və yadigardır. Biz dövlətimizi qoruyaraq onu gələcək nəsillərə çatdırmalıyıq. Biz xəyanətlərə qarşı səsimizi qaldırıb mübarizə aparmalıyıq. Xəyanətə heç nə ilə haqq qazandırmaq mümkün deyil.