Boks üzrə millimiz Rusiyada 3 yoxlama görüşü keçirəcək

Kişi boksçulardan ibarət Azərbaycan yığması yoxlama görüşləri üçün Rusiyaya yollanıb. SİA-nın məlumatına görə, Vaqif Şirinovun rəhbərlik etdiyi milli komanda Nalçik şəhərində 3 qarşılaşmada qüvvəsini sınayacaq. Döyüşlər 5-6 fevrala təsadüf edəcək. Rəqiblər Polşa, ev sahiblərinin 19-22 yaşlılardan ibarət komandası və Qafqaz ölkələrinin yığması olacaq.Məşqçilər korpusu yoxlama döyüşlərində Yadigar Əliyev (49 kq), Elvin Məmişzadə (52 kq), Əflatun Babayev (56 kq), Ruslan Rüstəmov (60 kq), Bəxtiyar Qazıbəyov, Nəbi İsgəndərov (hər ikisi 64 kq), Nicat Həsənov (69 kq), Amin Kuşkov (75 kq), Cəbrayıl Yelekov, Pedro Alfonso (hər ikisi 81 kq), Rövşən Yaqubzadə (91 kq) və Sadiq Səmədova (+91 kq) şans verəcək.Milli fevralın 7-də Vətənə qayıdacaq.