Zəngilanlı seçicilər YAP-ın namizədini dəstəkləyir

2018-ci ilin 11 aprel tarixində ölkəmizdə keçiriləcək prezident seçkiləri ilə əlaqədar martın 19-da təbliğat – təşviqat kampaniyasına start verilib.

Yeni Azərbaycan Partiyası Zəngilan rayon təşkilatı da 11 aprel 2018-ci il tarixində keçiriləcək prezident seçkilərində YAP-ın namizədi cənab İlham Əliyevin təbliğat-təşviqat kampaniyasına yüksək fəallıq və mütəşəkkilliklə başlayıb.
Kampaniyaya start verilməsi ilə partiya rayon təşkilatının üzvləri və gənclər rayonun inzibati ərazisini özündə əhatə edən Seçki dairəsi üzrə ayrılmış seçki lövhələrində təbliğat-təşviqat materiallarını yerləşdirməyə başlayıblar.
YAP Zəngilan rayon təşkilatı Seçki Qərargahının tədbirlər planına uyğun olaraq kampaniya dövründə Seçki Məcəlləsinə uyğun nəzərdə tutulmuş açıq və qapalı yerlərdə seçicilərlə çoxsaylı görüşlərin keçirilməsi nəzərdə tutulur.

yap.org.az