Hikmət Hacıyev: "Azərbaycan Rusiya XİN-ə etirazını çatdıracaq"

"Sputnik-Abxazia" saytı Abxaziya prezidenti kimi özünü təqdim edən Raul Xadjimbanın Rusiya XİN-nin 4-cü MDB idarəsinin rəisi Aleksey Pavlovski, Azərbaycanın işğal olunmuş ərazilərində yaradılmış qondarma rejim, Dnepryanı və Cənubi Osetiya rejimlərinin nümayəndələri ilə görüşü barədə məlumat yayıb.SİA xəbər verir ki, Azərbaycan XİN isə bunu regionda sülhə və təhlükəsizliyə ciddi zərbə kimi qiymətləndirib.XİN mətbuat xidmətinin rəhbəri Hikmət Hacıyev qondarma rejimin nümayəndəsinin Rusiya XİN-nin nümayəndəsi ilə qarşı-qarşıya oturmasının nə cür qiymətləndirilməsi bağlı suala cavabında deyib:"Bu heç bir halda regionda davamlı sülh və təhlükəsizliyin təmin olunması üçün etimadın qurulmasına xidmət edən addım deyildir. Əksinə regionda ağır olan vəziyyətin daha da gərginləşməsinə xidmət edir".Nazirlik rəsmisi bildirib ki, diplomatik kanallarla etiraz və ciddi narahatlıq Rusiya XİN-ə çatdırılacaq.

sia.az