Rasim Musabəyov: “Putin Paşinyana etimad və etibar etmir" ÖZƏL-ŞƏRH

“Bu gün Azərbaycan dövlətinin Rusiya ilə münasibətləri o səviyyədədir ki, hər iki ölkənin rəhbərləri mütəmadi görüşürlər”. Bunu SİA-ya açıqlamasında politoloq Rasim Musabəyov deyib.Onun sözlərinə görə, bu görüşlər istər hansısa tədbirlərlə bağlı, istərsə də ikitərəfli münasibətləri, beynəlxalq münasibətləri müzakirə etmək üçün təşkil olunur: “Bu müzakirələr də keçirildi. Elə məsələlər var ki, ən yüksək səviyyədə xeyir-dua alınmalıdır. Soçi görüşü ərəfəsində imzalanan sənədlər hüquqi baza yaratmır, konkret olaraq hüquqi bazaya söykənərək fəaliyyət nəzərdə tutub. Bu fəaliyyət yüksələn xəttlə ikitərəfli münasibətləri davam etməyə hesablanıb”.Politoloq Rusiya prezidenti Vladimir Putinlə Ermənistanın baş naziri Nikol Paşinyanın Moskvada keçiriləcək görüşünə də münasibət bildirib: “Bu gün Rusiya dövləti Ermənistandakı vəziyyətdən narahatdır. Putin özü üçün məsələyə bir aydınlıq gətirilməsini istəyir. Amma konkret olaraq Paşinyana etimad və etibar etmir. Biz əbədi olaraq gözləmək fikrində deyilik ki, ermənilər Azərbaycan torpağından çıxsın. Azərbaycan Prezidenti cənab İlham Əliyev bu məsələni də Rusiya prezidentinin diqqətinə çatdırıb. İndi istisna etmirəm ki, Rusiya tərəfindən müəyyən səylər göstərilsin. Amma bununla bağlı elə də böyük ümidlərim yoxdur”.

sia.az