Siyasət

  • 4 081

Hikmət Babaoğlu: “Yaradıcı insanlar hər bir cəmiyyətin xüsusi intellektual təbəqəsidir” ÖZƏL-ŞƏRH

image

“Azərbaycan dövlətinin həyata keçirdiyi sosial siyasət, Azərbaycan cəmiyyətinin bütün təbəqələrini əhatə etməklə sosial qayğıya ehtiyacı olan vətəndaşların problemini həll etməyə yönəlib”. Bunu SİA-ya açıqlamasında “Yeni Azərbaycan” qəzetinin baş redaktoru, millət vəkili Hikmət Babaoğlu deyib.Millət vəkilinin sözlərinə görə, ötən illər ərzində bu istiqamətdə çox böyük addımlar atılıb: “Biz bilirik ki, yaradıcı insanlar hər bir cəmiyyətin xüsusi intellektual təbəqəsidir. Onlar cəmiyyətin aparıcı intellektual təbəqəsi olmaqla cəmiyyətdə formalaşan intellektual mənəvi münasibətlərdə mühüm rol oynayırlar. Ona görə də bu cür insanların daima diqqətdə saxlanılması Azərbaycan dövlətinin, siyasətinin prioritet istiqamətlərindən biridir. Bu cür insanların mənzillə təmin olunması, onların səhhətində yaranan problemlərlə bağlı Azərbaycanda və ölkəmizdən kənarda müalicələrinin təmin olunması və bunun dövlət hesabına həyata keçirilməsi insanları intellektual əməyə həvəsləndirməklə bərabər, həm də konkret olaraq bu əməklə məşğul olan insanların problemlərinin həlli deməkdir. Bu əslində yeni nəslin də intellektual əməklə məşğul olmasını motivasiya edir. Bu da hələ məsələnin hamısı deyil.Azərbaycan Prezidentinin xüsusi təqaüdü var və bu intellektual sfera ilə məşğul olan insanlara şamil olunur, eləcə də yaradıcılıq sahəsində fərqlənən ayrı-ayrı şəxslərə dövlət mükafatları, fəxri adlar verilir, bəzən də birdəfəlik mükafatlar təqdim olunur. Bütün bunlar hamısı əlbəttə ki, bir daha dövlətin sosial siyasəti necə uğurla həyata keçirdiyinin göstəricisidir. Heç şübhəsiz ki, biz yaradıcı insanlardan danışarkən jurnalistləri xüsusi bir zümrə kimi nəzərdən keçirməliyik. Azərbaycanda jurnalistlərə, söz və mətbuat azadlığına göstərilən qayğının nə qədər yüksək səviyyədə olduğunu biz bilirik. Çünki onların məişət problemlərinin həll olunması, onların mənzillə təmin olunması daima Azərbaycan Prezidentinin diqqət mərkəzindədir. Bütövlükdə isə mənzərə ondan ibarətdir ki, Azərbaycan dövlətinin sosial fəlsəfəsindən irəli gələn vətəndaşlara dövlət qayğısı siyasəti sistemli şəkildə ardıcıl olaraq həyata keçirilir”.

sia.az

Digər xəbərlər