Siyasət

  • 3 796

YAP Gəncə şəhər təşkilatında bələdiyyələrə irəli sürülmüş namizədlərlə görüş keçirilib

image

YAP Gəncə şəhər təşkilatında Yeni Azərbaycan Partiyası tərəfindən Gəncə bələdiyyələrinə irəli sürülmüş namizədlərlə görüş keçirilib.

Görüşü YAP Gəncə şəhər təşkilatının sədri, Milli Məclisin deputatı Naqif Həmzəyev açaraq, xalqın gücünə, iradəsinə və dəstəyinə arxalanan hakim partiyanın daha bir məsul kampaniyaya - 23 dekabrda keçiriləcək bələdiyyə seçkilərinə mütəşəkkil hazırlaşdığını qeyd edib.
YAP Gəncə şəhər təşkilatı Qadınlar Şurasının sədri, millət vəkili Pərvin Kərimzadə çıxış edərək, bələdiyyələrin daha da inkişaf etdirilməsi üçün ölkə Prezidenti İlham Əliyevin imzaladığı sərəncamların əhəmiyyətini vurğulayıb.
Tədbirdə ölkənin idarə olunmasında bələdiyyə üzvlərinin üzərinə düşən vəzifələrdən danışılıb, seçkilərin şəffaf və demokratik keçməsi üçün qarşıda duran vəzifələr müzakirə edilib.
Sonda namizədlərə imza vərəqələri və “Namizədlər üçün yaddaş” kitabcaları paylanıb.
Qeyd edək ki, ötən bələdiyyə seçkiləri 2014-cü il dekabrın 23-də baş tutub və bu ilin dekabr ayının 23-də bələdiyyə üzvlərinin səlahiyyətləri başa çatır.

yap.org.az

Digər xəbərlər