Nikolay Yankov: Cənub Qaz Dəhlizi Avropaya yeni mənbədən təbii qazı təmin edəcək

13 İyun 2018 16:40 (UTC+04:00)

Cənub Qaz Dəhlizi Avropaya yeni mənbədən təbii qazı təmin edəcək.

Bu sözləri iyunun 13-də Bakıda keçirilən "Cənub Qaz Dəhlizi və Cənub-Şərqi Avropada enerji təhlükəsizliyi" mövzusunda beynəlxalq konfransda Bolqarıstanın Azərbaycandakı səfiri Nikolay Yankov deyib.
O bildirib ki, Bolqarıstan və digər region ölkələri ilk dəfə təbii qazı şimaldan yox, şərqdən idxal edəcək: "Azərbaycan təbii qazı qitədə mənbələrin şaxələndirilməsinə səbəb olacaq. Bolqarıstan hər zaman Cənub Qaz Dəhlizini dəstəyini ifadə edib. Yunanıstan-Bolqarıstan İnterkonnektoru (IGB) isə Azərbaycan təbii qazının Bolqarıstana nəqlinə xidmət edəcək".

yap.org.az