"Qarşıdakı 3 ildə 1500-2000 kilometr dəmir yolu təmir olunacaq"

8 İyul 2019 13:47 (UTC+04:00)

Yaxın gələcəkdə Azərbaycanda 1500-2000 kilometr dəmir yolu təmir ediləcək. SİA xəbər verir ki, bu barədə “Azərbaycan Dəmir Yolları” QSC-nin sədri Cavid Qurbanov jurnalistlərə müsahibəsində deyib.O bildirib ki, ötən il də daxil olmaqla son 3 ildə ölkədə 875 kilometr dəmir yolu təmir olunub. Bakıdan Böyük Kəsiyədək və əks istiqamətdə 1100 kilometr dəmir yolu tam təmir edilib. Cari ilin sonu kimi və ya gələn ilin əvvəlindən Rusiya sərhədinədək dəmir yolunun təmirinə başlanılacaq. Qəbələ istiqamətində də dəmir yolu təmir olunur. Qarşıdakı 3 ildə ölkədə 1500-2000 kilometr dəmir yolu təmir olunacaq, həmin yollarda qatarların sürəti artırılacaq.

sia.az