Amerikalı senator Ərdoğanı hədəf aldı

Rəcəb Tayyip Ərdoğanın prezident seçkilərindəki qələbəsindən sonra ABŞ Prezidenti Co Baydenin və onun komandasının Türkiyə liderinə zəng edib təbrik etməsi, bir yerdə çalışmağa davam edəcəklərini bəyan etməsi ABŞ-Türkiyə münasibətləri üçün müsbət xarakterizə olunur. Lakin ABŞ Senatındakı vəziyyət bunun tam əksini əks etdirir.
Məsələ burasındadır ki, ABŞ Senatının Xarici əlaqələr Komitəsinin sədri Bob Menendez 20 milyard dollar həcmindəki F-16 qırıcılarının Türkiyəyə satılması prosesinə qarşı çıxıb. Daha çox Yunanıstan dəstəkçisi kimi tanınan B. Menendez, bu dəfə şəxsən R.T.Ərdoğanı hədəfə alıb. Amerikalı senator Türkiyə liderinin NATO-dakı müttəfiqlərinə qarşı hədələyici çıxışlarının səngiməsinin vacib olduğunu diqqətə çatdırıb. "Ərdoğan davakar mövqeyindən çəkinməlidir. Keçmişdəki kimi davakar mövqeyini davam etdirsə mən də Türkiyəyə F-16 satışına qarşı çıxacam"- B. Menendez belə deyib.

Mətləb Salahov