Azərbaycanda təkrarsığorta bazarı 16 % böyüyüb

2024-cü ildə Azərbaycanda təkrarsığorta haqları 2023-cü illə müqayisədə 16 % (21 milyon manat) artaraq 154 milyon manat təşkil edib. SİA xəbər verir ki, bu barədə Azərbaycan Mərkəzi Bankının (AMB) “Maliyyə Sabitliyi hesabatı"nda bildirilir.Sənədə əsasən, təkrarsığorta haqlarının (TSH) ümumi sığorta haqlarında payı aşağı olaraq qalmaqdadır: "Ötən il bu göstərici 11 % olub. Təkrarsığorta haqlarının 3 %-i (5 milyon manat) həyat sığortası siniflərinin, 97 %-i isə (149 milyon manat) qeyri-həyat sığorta siniflərinin payına düşüb. Həyat sığorta sahəsi üzrə təkrarsığorta haqları həyat sığorta sahəsi üzrə ümumi sığorta haqlarının 1 %-ni, qeyri-həyat sığortası üzrə təkrarsığorta haqları isə qeyri-həyat sığorta sahəsi üzrə ümumi sığorta haqlarının 24 %-ni təşkil edib".