"Türkiyə və Pakistanla illik ticarətin dəyərinin 17 milyard dollara çatdırılması hədəflənir" - Vüqar Bayramov

"Azərbaycan və Pakistan arasında iqtisadi əlaqələri daha da dərinləşdirmək üçün böyük potensial var". SİA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov parlamentin bu gün keçirilən növbəti plenar iclasında bildirib.Onun sözlərinə görə, iki ölkə arasında illik ticarətin dəyəri 20-30 milyon ABŞ dolları civarında olsa da, bu rəqəmi 2 milyard ABŞ dollarına qədər artırmaq hədəflənir: "Azərbaycan həm də Türkiyə ilə illik ticarətinin dəyərini 15 milyard ABŞ dollarına çatdırmağı hədəfləyir. Bu da o deməkdir ki, iki qardaş dövlət olan Türkiyə və Pakistanla illik ticarətin dəyərinin 17 milyard ABŞ dollarına çatdırılması hədəflənir. Bu, yeni strateji əməkdaşlıq strategiyasıdır”.