Azərbaycanın Türkiyədəki ticarət nümayəndəsi Tamerlan Tağıyevin rəhbərlik etdiyi heyət ölkəmizin investisiya imkanlarının daha geniş kütləyə çatdırılması məqsədilə Aralıq dənizi bölgəsinə səfər edib.
SİA yerli mənbələrə istinadən xəbər verir ki, səfər çərçivəsində Türkiyənin Antalya vilayətinin Alanya rayonu Ticarət və Sənaye Palatasında görüşlər keçirilib, Tamerlan Tağıyev ilə Alanya Ticarət və Sənaye Palatasının İdarə Heyətinin sədri Eray Erdem arasında ikitərəfli görüş baş tutub.
Görüşdə Azərbaycanla əməkdaşlıq imkanları barədə fikir mübadiləsi aparılıb.
Sonra Azərbaycan Ticarət Nümayəndəliyi və Alanya Ticarət və Sənaye Palatasının birgə təşkilatçılığı ilə palata üzvlərinin və Alanyadan olan iş adamlarının iştirakı ilə "Azərbaycana İnvestisiya: Təşviqlər və Dəstək Mexanizmləri" mövzusunda tanıtım toplantısı təşkil edilib. Tədbirdə çıxış edən Tamerlan Tağıyev və Eray Erdem əməkdaşlıq sahələri və bundan əldə ediləcək müsbət nəticələrdən bəhs ediblər. Çıxışların ardından Azərbaycandakı investisiya mühiti ilə bağlı əhatəli məlumatları özündə əks etdirən təqdimatlar edilib.
Sonda iş adamlarının mövzu ilə bağlı sualları cavablandırılıb, investisiya imkanları ilə bağlı müzakirələr aparılıb.
© 2002-2026, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Üzeyir Hacıbəyli küçəsi, 66. Bakı, Azərbaycan.
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
