Macarıstan Rusiyaya qarşı XX sanksiya paketini bloklayacaq

Macarıstan hökumətinin başçısı xəbərdarlıq etdi ki, Budapeşt "Drujba" neft kəməri bağlı qaldığı müddətdə kənarda qalmayacaq. Macarıstan Avropa Birliyinin Rusiyaya qarşı 20-ci sanksiya paketini qəbul etməsinə qarşı çıxacaq. Macarıstanın Baş naziri Viktor Orban bunu 22 fevral bazar günü X sosial media platformasında açıqlayıb.

"Drujba" neft kəməri bağlı qaldığı müddətdə kənarda qalmayacağıq. Təchizat bərpa olunana qədər Macarıstana yanacaq tədarükünü təmin edəcəyik və lazımi əks tədbirlər görəcəyik. Əks tədbirlər: Macarıstandan Ukraynaya dizel yanacağı tədarük etməkdən imtina etmək; Ukraynaya heç bir hərbi kredit verməkdən imtina etmək; sanksiyaları dəstəkləməkdən imtina etmək - 20-ci sanksiya paketi rədd ediləcək", - Macarıstanın Baş naziri yazıb.

Məlum olduğu kimi, Avropa Birliyi gələn həftənin əvvəlində - Rusiyanın Ukraynaya qarşı soyqırımı müharibəsinin dördüncü ildönümündə Rusiyaya qarşı 20-ci sanksiya paketini təsdiqləməyi planlaşdırır.

Fevralın əvvəlində Avropa Komissiyası Rusiyaya qarşı 20-ci sanksiya paketinin layihəsini təqdim etdi. Bu, enerji, maliyyə xidmətləri və ticarət sahələrini əhatə edir. Enerjiyə gəldikdə isə, Rusiya xam neftinin dənizdə daşınmasına tam qadağa qoyulur.

Lakin bu həftə mediada yayılan məlumatlarda 20-ci paketin qəbulunun təhlükə altında olduğu bildirilirdi.

VƏLİ