Çin bu barədə susmağa çalışır...

...Çin lideri Si Cinpin ABŞ prezidenti Donald Trampın Çinə səfəri zamanı özünəinam nümayiş etdirməyə çalışsa da, Pekin son illərin ən çətin dövrlərindən biri ilə üzləşir.

...İqtisadi tənəzzül!?.

SİA-nın əldə etdiyi məlumata görə, bu barədə The Telegraph yazır.

Çinə ən böyük zərbələrdən biri İran üzərindəki münaqişə olub. Çinin neft idxalının yarıdan çoxu Yaxın Şərqdən gəlir və Hörmüz boğazından keçən tədarüklərə təhdidlər enerji qiymətlərinin 15-25 faiz artmasına səbəb ola bilər.

Bu, onsuz da zəif istehlak tələbi və yavaşlayan artımdan əziyyət çəkən Çin iqtisadiyyatı üçün ciddi bir problem yaradır.

Bu fonda Pekin getdikcə daha az təsirli oyunçu kimi görünür. Çin İran böhranında effektiv vasitəçi kimi çıxış edə bilməyib, Fars körfəzi ölkələri isə getdikcə ABŞ-a güvənir.

Səudiyyə Ərəbistanı və BƏƏ-nin Vaşinqton və İsraillə yanaşı, İrana zərbələri dəstəklədiyi bildirilir.

Rusiyanın Ukraynaya qarşı müharibəsi Çinin imicinə əlavə zərbə vurub. Pekinin Moskvaya dəstəyinə baxmayaraq, Kreml böyük itkilərlə üzləşir və qəti qələbə qazana bilmir. Hətta Moskvada keçirilən Qələbə Günü paradı belə Ukrayna hücumları təhdidləri səbəbindən azaldılıb.

Sinin güclü avtoritar müttəfiqlər bloku yaratmaq ideyası da şübhə altına alınıb.

Rusiya müharibə, İran beynəlxalq təzyiq və Şimali Koreya Ukrayna cəbhəsinə qoşun göndərdikdən sonra ağır itkilər verib. Bu problemlər fonunda analitiklər getdikcə Çinin artıq Si Cinpinin təsvir etdiyi məğlubedilməz supergüc olmadığını deyirlər.

Əli Babayev