“Qazprom”un səhmləri rekord səviyyədə aşağı düşüb...

...Rusiya Mərkəzi Bankının əsas faiz dərəcəsini 14,5 faizdən 14,25 faizə endirməsinə baxmayaraq, Rusiyanın dövlətə məxsus enerji şirkəti "Qazprom"un səhmləri 2008-ci ildən bəri ən aşağı səviyyəyə düşdü.

Mərkəzi Bankın qərarı pul siyasətinin ardıcıl doqquzuncu yumşaldılması oldu, lakin bazar buna mənfi reaksiya verdi, çünki daha kəskin faiz endirimini gözləyirdi.

Bundan əlavə, faiz dərəcəsinin belə kiçik bir faiz bəndi endirilməsi bazarı iki səbəbdən məyus etdi: birincisi, əgər Mərkəzi Bank bu qədər ehtiyatlıdırsa, iqtisadiyyatda ciddi problemlər və inflyasiya riskləri görür.

...İkincisi, faiz dərəcəsi çox yüksək olaraq qalır və bu da biznes üçün kreditləri əlçatmaz edir. Nəticə etibarilə, biznes xərcləri və işçi heyətini azaltmağa davam edəcək və iqtisadiyyat geriləyəcək.

Mərkəzi Bankın bəyanatında həmçinin açıq şəkildə bildirilir ki, motor yanacağı istehsalının müvəqqəti azalması inflyasiya risklərini artıran amillərdən biridir.

...Rusiya Bankı ilk dəfə olaraq neft emalı sahəsindəki problemlərin o qədər əhəmiyyətli bir amilə çevrildiyini və inflyasiya qiymətləndirmələrinə və pul siyasəti qərarlarına təsir göstərməyə başladığını faktiki olaraq etiraf etdi.

Bunu nəşr yazır.

...SİA xəbər verir ki, TradingView-ə görə, "Qazprom" səhmləri 2008-ci il maliyyə böhranından bəri ən aşağı qiymət olan 106,3 rubla satılır. Qiymət də 105,05 rubla düşüb.

Əli Babayev