Azərbaycanın uğurlu inkişafı: Prezident İlham Əliyevin liderliyində yeni dövr

Müasir müstəqil Azərbaycan dövlətinin davamlı və hərtərəfli inkişafı Prezident İlham Əliyevin adı və fəaliyyəti ilə sıx bağlıdır. Ulu Öndər Heydər Əliyevin müəyyənləşdirdiyi siyasi kursun layiqli davamçısı olan Prezident İlham Əliyev ölkəmizi yeni inkişaf mərhələsinə yüksəltmiş, Azərbaycanı regionun və dünyanın nüfuzlu dövlətlərindən birinə çevirmişdir.

Prezident İlham Əliyevin rəhbərliyi dövründə həyata keçirilən məqsədyönlü iqtisadi siyasət nəticəsində Azərbaycan dayanıqlı inkişaf modelini formalaşdırmışdır. Enerji sektorunda qazanılan uğurlar, xüsusilə beynəlxalq əhəmiyyətli neft-qaz layihələrinin reallaşdırılması ölkənin iqtisadi gücünü artırmaqla yanaşı, onun geosiyasi mövqeyini də möhkəmləndirmişdir. Bununla paralel olaraq, qeyri-neft sektorunun inkişafı, regionların sosial-iqtisadi dirçəlişi dövlət siyasətinin əsas prioritet istiqamətlərindən biri olmuşdur.

Prezident İlham Əliyevin sosial yönümlü siyasəti əhalinin rifah halının yüksəldilməsinə xidmət edir. Təhsil, səhiyyə, mədəniyyət və sosial müdafiə sahələrində həyata keçirilən ardıcıl islahatlar insan kapitalının inkişafına verilən yüksək dəyərin bariz göstəricisidir. Xüsusilə təhsil sahəsində yeni məktəblərin inşası, mövcud təhsil müəssisələrinin müasir standartlara uyğunlaşdırılması, gənc nəslin vətənpərvər və bilikli ruhda yetişdirilməsi dövlətin gələcəyə hesablanmış siyasətinin tərkib hissəsidir.

Azərbaycan tarixinin ən şanlı səhifələrindən biri olan 44 günlük Vətən müharibəsində qazanılan möhtəşəm Qələbə Prezident İlham Əliyevin Ali Baş Komandan kimi qətiyyətinin, siyasi iradəsinin və uzaqgörən liderliyinin təntənəsidir. Azərbaycanın ərazi bütövlüyünün bərpası milli birlik və həmrəyliyin simvoluna çevrilmiş, xalqın dövlətinə və liderinə olan inamını daha da gücləndirmişdir. Azad edilmiş ərazilərdə aparılan genişmiqyaslı bərpa və quruculuq işləri isə ölkənin gücünü və gələcəyə olan əminliyini nümayiş etdirir.

Beynəlxalq münasibətlər müstəvisində Prezident İlham Əliyevin balanslaşdırılmış və prinsipial xarici siyasəti nəticəsində Azərbaycan etibarlı tərəfdaş kimi tanınmış, beynəlxalq təşkilatlarda nüfuzu xeyli artmışdır. Azərbaycan sülh, əməkdaşlıq və təhlükəsizliyin möhkəmləndirilməsinə xidmət edən təşəbbüslərlə çıxış edərək qlobal miqyasda öz mövqeyini gücləndirməkdədir.

Bütün bunlar bir daha sübut edir ki, Prezident İlham Əliyevin rəhbərliyi altında Azərbaycan güclü dövlət quruculuğu yolunda inamla irəliləyir. Onun fəaliyyəti xalqın rifahına, dövlətin qüdrətinin artırılmasına və milli maraqların qorunmasına xidmət edən mükəmməl liderlik nümunəsidir.

Aidə İsgəndərli,

Gədəbəy şəhər 2 nömrəli tam orta ümumtəhsil məktəbin gənc direktoru