Təhdidlərə "təcili və qətiyyətli cavab" veriləcək FOTO

Əgər mövcud Strateji Silahlara Nəzarət Müqaviləsi (Yeni START) 5 fevral tarixinə qədər uzadılmasa, ABŞ və Rusiya Soyuq Müharibədən bəri ilk dəfə nəzarətsiz nüvə silahlanma yarışına məruz qalma riski ilə üzləşəcəklər. Bu barədə Reuters məlumat verir.Yeni START olmadan, 1972-ci ildən bəri ilk dəfə olaraq ABŞ və Rusiyanın strateji nüvə arsenallarına heç bir məhdudiyyət qoyulmayacaq. Rusiya Prezidenti Vladimir Putin məhdudiyyətlərin daha bir il uzadılmasını təklif edib, lakin ABŞ hələ rəsmi olaraq cavab verməyib. Prezident Donald Tramp daha yaxşı bir müqavilə ilə əvəz olunmazsa, müqavilənin müddəti bitəcəyini bildirib və Amerika arsenalını modernləşdirmək və genişləndirmək planlarını açıqlayıb.

Qeyd edək ki, 2010-cu ildə imzalanan Yeni START müqaviləsi hər iki tərəfdə yerləşdirilən strateji döyüş başlıqlarının sayını 1550 ilə məhdudlaşdırır. Lakin Rusiya müqavilə ilə əhatə olunmayan yeni sistemlər - Burevestnik kruiz raketi, Oreshnik hipersəs raketi və Poseidon torpedosu hazırlayır. 2030-cu ilə qədər arsenalını 1000 döyüş başlığına çatdıracaq Çin də Vaşinqton və Moskva arasındakı razılaşmalarla əhatə olunmur.

Ekspertlər xəbərdarlıq edirlər ki, ABŞ və Rusiya arsenallarının genişləndirilməsi Çinin iştirak etdiyi üçtərəfli silahlanma yarışına səbəb ola bilər. ABŞ Konqresi hesab edir ki, ölkə həm Rusiyanı, həm də Çini eyni vaxtda çəkindirməyə hazır olmalıdır, lakin döyüş başlıqlarının artırılması baha başa gəlir - ABŞ-ın nüvə arsenalının modernləşdirilməsi 2034-cü ilə qədər təxminən 1 trilyon dollara başa gələ bilər.

Eyni zamanda, bəzi keçmiş rəsmilər Putinə etimadsızlıqlarını bildirirlər: Rusiya ABŞ-ın Ukraynaya dəstəyi səbəbindən 2023-cü ildə Yeni START Müqaviləsi çərçivəsində qarşılıqlı yoxlamaları dayandırıb. Rusiya Təşlükəsizlik Şurasının sədr müavini Dmitri Medvedev bildirib ki, Moskva istənilən inkişafa hazırdır və yeni təhdidlərə "təcili və qətiyyətli cavab" veriləcək.

İlham