Strateji tərəfdaşlıq güclənir - ŞƏRH

ABŞ-ın vitse-prezidenti Cey.Di.Di. Vensin Azərbaycana rəsmi səfəri iki ölkə arasındakı münasibətlərin inkişafı baxımından mühüm diplomatik hadisə kimi qiymətləndirilir. Səfər çərçivəsində keçirilən görüşlərdə regional təhlükəsizlik, iqtisadi əməkdaşlıq, enerji siyasəti və beynəlxalq tərəfdaşlıq məsələləri əsas müzakirə mövzuları olub. Azərbaycan Prezidenti İlham Əliyev mətbuata verdiyi bəyanatda ABŞ ilə münasibətlərin strateji əhəmiyyət daşıdığını vurğulayıb. Prezident qeyd edib ki, Azərbaycan və ABŞ uzun illərdir qarşılıqlı hörmət və ortaq maraqlar əsasında əməkdaşlıq edirlər. Dövlət başçısı öz çıxışında aşağıdakı məqamlara xüsusi diqqət çəkib:

Siyasi münasibətlər – Prezident iki ölkə arasındakı dialoqun davamlı xarakter daşıdığını və yüksək səviyyəli təmasların əməkdaşlığın möhkəmlənməsinə xidmət etdiyini bildirib.Regional sabitlik – İlham Əliyev regionda sülhün və təhlükəsizliyin qorunmasının vacibliyini qeyd edərək Azərbaycanın sabitlik və əməkdaşlıq tərəfdarı olduğunu vurğulayıb. Enerji əməkdaşlığı – Azərbaycan Prezidenti ölkənin qlobal enerji təhlükəsizliyində oynadığı rolu xatırladaraq bu sahədə ABŞ ilə əməkdaşlığın perspektivlərini yüksək qiymətləndirib.İqtisadi əlaqələr – Prezident qarşılıqlı investisiyaların artırılmasının və yeni layihələrin həyata keçirilməsinin iki ölkə üçün faydalı olacağını bildirib.
Prezident İlham Əliyev bəyanatında Azərbaycanın müstəqil siyasət yürüdən, beynəlxalq hüquqa hörmət edən və tərəfdaşlıq münasibətlərinə önəm verən dövlət olduğunu qeyd edib. O, həmçinin vurğulayıb ki, Azərbaycan ABŞ ilə əməkdaşlığın daha da dərinləşdirilməsində maraqlıdır.
ABŞ vitse-prezidenti Cey.Di. Vens də öz növbəsində Azərbaycanın regionda əhəmiyyətli tərəfdaş olduğunu ifadə edib və ikitərəfli münasibətlərin genişlənməsi üçün potensial imkanların mövcudluğunu qeyd edib.
Bu səfər bir daha göstərdi ki, Azərbaycan və ABŞ arasında münasibətlər yalnız siyasi dialoqla məhdudlaşmır, eyni zamanda iqtisadi, enerji və təhlükəsizlik sahələrində də qarşılıqlı maraqlara əsaslanır.

Elnur Əsədov

YAP Kəngərli rayon təşkilatının əməkdaşı