Gəmidə 45 pozuntu aşkar edilib - FOTO

Belçika, bazar günü ölkə ordusu tərəfindən ələ keçirilən Rusiyanın "kölgə donanması" tankeri Ethera-ya 10 milyon avro girov qoyub. Bu barədə HNL məlumat yayıb. Nəşrin iddiasına görə, Rusiyanın "kölgə donanması"na məxsus və AB və Böyük Britaniya sanksiyalarına məruz qalan neft tankerində qırx beş pozuntu aşkar edilib: “Bunlar əsasən gəminin saxta Qvineya bayrağı altında üzdüyünün aşkarlanmasından irəli gələn saxta sertifikatlarla bağlı idi", - deyə Belçika hökuməti açıqlamasında bildirib. Qeyd olunur ki, girov ödənildikdən, yoxlamalar başa çatdıqdan və düzgün bayraq və sertifikatlar əldə edildikdən sonra Ethera yenidən üzməyə başlaya biləcək.

O vaxta qədər 21 nəfərlik heyət gəmidə qalmalıdır. Buraya əsasən Rusiya kapitanı, yeddi zabit və əsasən Hindistan əsilli on üç digər heyət üzvü daxildir. “Hökumətimiz "kölgə donanması"nın gəmilərinə qarşı qəti tədbirlər görür. Bu əməliyyatla biz AB sanksiyalarını tətbiq edirik, Şimal dənizini qoruyur və Rusiyanın Ukraynadakı müharibəsinin maliyyələşdirilməsini məhdudlaşdırırıq”, - deyə Belçikanın müdafiə naziri Teo Franken bildirib.

İlham