Orban Zelenskinin təkliflərini nağıl hesab edir - FOTO

Macarıstanın Baş naziri Viktor Orban, Avropa Şurasının iclasından əvvəl bildirib ki, Macarıstan Drujba boru kəməri Rusiya neftini yenidən nəql etməyə başlayana qədər Ukrayna üçün əlverişli olan heç bir qərarı blokdan çıxarmayacaq: "Macarıstanın mövqeyi çox sadədir. Biz blokladığı neftimizi aldıqdan sonra Ukraynanı dəstəkləməyə hazırıq”.

Onun sözlərinə görə, biz nefti gözləyirik: “Qalan hər şey sadəcə nağıldır. Buna görə də biz yalnız faktlara inanırıq. Neft Macarıstana axmalıdır. O vaxta qədər biz heç bir Ukraynayönümlü təklifi dəstəkləyə bilmərik”.

Orban Budapeştin Ukraynaya AB-dən 90 milyard avro verməklə bağlı mövqeyini dəyişmədiyini dəfələrlə bildirib. Qeyd edib ki, bu, yalnız “Drujba” boru kəməri vasitəsilə neft tədarükü bərpa edildikdən sonra mümkün olacaq.

Xatırlamaq lazımdır ki, Ukrayna Prezidenti Vladimir Zelenski Aİ liderlərinə ünvanladığı məktubda təxminən altı həftə ərzində Drujba boru kəməri vasitəsilə tranziti bərpa edəcəyinə söz vermişdi. Aİ ekspertlərindən ibarət bir qrupun Ukraynada zədələnmiş Drujba boru kəmərinin ərazisinə baş çəkərək zərəri və onun fəaliyyətini bərpa etmək üçün görüləcək işlərin həcmini qiymətləndirməyi planlaşdırdığını bildirmişdi. Lakin Ukrayna təhlükəsizliklə bağlı narahatlıqlar səbəbindən hələ də avropalı mütəxəssislərin “Drujba” boru kəmərinə daxil olmasına icazə verməyib.

İlham