Rusiya hər ay ən azı 30-35 min əəsgər itirir - FOTO

Ukraynanın BMT-dəki daimi nümayəndəsi Andrey Melnik təşkilatın Təhlükəsizlik Şurasının iclasında çıxış edərək Rusiyanın Ukrayna ordusu haqqında dezinformasiya yaymasını şərh edib. Ukraynalı diplomat vurğulayıb ki, bu cür açıqlamalar Rusiyanın etibarını itirdiyini və bölgədəki təsirinin azaldığını göstərir: “Həqiqət budur ki, Ukrayna Fars körfəzi bölgəsindəki tərəfdaşlarına praktik əl uzadır, onlara enerji infrastrukturunu Rusiyanın dəstəklədiyi İran dronları və raketlərinin cinayətkar hücumlarından qorumağa kömək edir. Rusiya Tehran rejiminin əsas müttəfiqidir. Fars körfəzi ölkələrinə xəyanət edib, onları arxadan bıçaqlayıb və veto hüququndan istifadə edərək Hörmüz boğazında naviqasiya azadlığı ilə bağlı vacib qətnamə layihəsini bloklayıb”.

O, həmçinin Rusiyada səfərbərliklə bağlı çətinliklər və Rusiya qoşunlarının əhəmiyyətli itkiləri barədə məlumat verib. Melnik bildirib ki, ilin əvvəlindən bəri Rusiya ayda ən azı 30.000-35.000 əsgər itirir və bu döyüş itkiləri artıq planlaşdırılan müqavilə üzrə işə qəbul həcmini üstələyir: “Kreml əhəmiyyətli maliyyə təşviqlərinə baxmayaraq, könüllüləri cəlb etməkdə ciddi çətinliklərlə üzləşir. Buna görə də regional hökumətlər müqavilələrin imzalanması üçün getdikcə daha yüksək ödənişlər təklif edərək bir-biri ilə rəqabət aparmaq məcburiyyətində qalırlar”.

Melnik həmçinin bildirib ki, Rusiya ordusu əsasən həssas qruplara - xüsusən də məhbuslara, miqrantlara, bu yaxınlarda vətəndaşlığa qəbul edilmiş vətəndaşlara və muzdlulara qarşı məcburiyyət və təzyiq yolu ilə işə götürülür.

İlham