Təbiəti qoruyaq, gələcəyimizi yaşıllaşdıraq!

Respublikamızın cənub qapısı Astarada “Şəhərsalma və Memarlıq İli” çərçivəsində "5 İyun -Ümumdünya Ətraf Mühit Günü" münasibətilə yaşıllaşdırma aksiyası təşkil olunub.
YAP Astara Rayon təşkilatının və Astara Rayon İcra Hakimiyyətinin təşəbbüsü, Astara Pedaqoji Kollecinin və Astara Gənclər Evinin təşkilatçılığı sayəsində keçirilən yaşıllaşdırma və ağacəkmə aksiyasında ətraf mühitin mühafizəsinə dəstək məqsədilə yaşıllıq sahələrinin genişləndirilməsi istiqamətində işlər görülüb. Tədbir iştirakçıları təbiətin qorunmasının hər bir vətəndaşın məsuliyyəti olduğunu vurğulayaraq ekoloji tarazlığın qorunmasına öz töhfələrini veriblər.
O da bildirilib ki, bu cür təşəbbüslər gənclərdə ekoloji məsuliyyət hissinin formalaşdırılmasına, təbiətə qayğı mədəniyyətinin təşviqinə, eləcə yaşıl gələcəyin qurulmasına hesablanıb.

YAP rayon təşkilatının əməkdaşlarınin, Rayon İcra Hakimiyyətinin əməkdaşlarının, Astara Pedaqoji Kollecin kollektivinin və Gənclər Evinin əməkdaşlarınin böyük həvəslə qatıldığı aksiyanın sonunda belə bir müraciət olub: “Sən də ətraf mühitin qorunmasına yönəlmiş layihələrdə və ictimai təşəbbüslərdə iştirak edərək yaşıl gələcəyin bir parçası ola bilərsən. Təbiəti qoruyaq, gələcəyimizi yaşıllaşdıraq!”
.
Zəfər Orucoğlu,

Azərbaycan Jurnalistlər Birliyinin üzvü