Şimali Koreya liderinin elə də ağılsız olmadığı üzə çıxır..?

...Bu arada Zelenski deyib ki, Şimali Koreya Rusiya tərəfində döyüşmək üçün Ukraynaya hərbi personal göndərir. Qərb mediası bundan əvvəl bu barədə yazaraq Cənubi Koreya Milli Müdafiə Nazirliyinə xəbərdarlıq etmişdi. Formal olaraq bunun hətta əsaslandırması var - iyunda bağlanmış hərtərəfli tərəfdaşlıq sazişi.

Düzdür, bu kağız parçası yalnız Rusiya Federasiyası və Şimali Koreya üçün hüquqi çəkiyə malikdir.

...Ehtimal olunur ki, Şimali Koreyadan gələcək silahlı qüvvələr rusların hücum əməliyyatlarını həyata keçirmək üçün Rusiyanın sərhədlərini gücləndirəcəklər..?

Yeri gəlmişkən, Şimali Koreya bütün bu söz-söhbətlər fonunda qonşusuna – Cənubi Koreyaya sataşmağa başlayıb. Belə ki, bir gün əvvəl Şimali Koreya cənubla sərhəddəki artilleriya qüvvələrinə Cənubi Koreyaya məxsus PUA-ların təbliğat vərəqələri daşıdığına görə atəşə hazırlaşmağı əmr edib.

Bundan əvvəl Şimali Koreya Xarici İşlər Nazirliyi Cənubi Koreya ilə sərhəddə hücum silahlarını tam hazır vəziyyətə gətirəcəyini açıqlamışdı. Ölkə qonşusuna gedən yolları və dəmir yollarını da bağlayıb.

... SİA-nın "Rus Decadence" Telegram kanalından əldə etdiyi məlumata görə, Putinin Kem Çin-un-a, onun əsgərlərinə nə vəd etdiyi məlum olmasa da, lakin Şimali Koreya liderinin elə də ağılsız olmadığı üzə çıxır..?

Əli Babayev