Səfir Əsədi biabırçı şəkildə qaçmaqda ittiham edib

Suriyanın keçmiş prezidenti Bəşər Əsədin "utanc verici və alçaldıcı şəkildə" qaçması ölkədə dəyişikliklərə ehtiyac olduğunu təsdiqləyir və daha yaxşı gələcəyə ümidləri oyadır. SİA-nın əldə etdiyi məlumata görə, bunu Suriyanın Rusiyadakı səfiri Bəşər Cəfəri "RT Arabic" telekanalına müsahibəsində deyib.

...Korrupsiya sisteminin bir neçə gün ərzində iflası onun həm cəmiyyətdə, həm də ordu və silahlı qüvvələr sıralarında qeyri-populyarlığını və dəstəyinin olmamasından xəbər verir, - diplomat qeyd edib.

Bazar ertəsi Kreml bəyan edib ki, Rusiya prezidenti Vladimir Putin şəxsən Bəşər Əsədə Moskvadan sığınacaq vermək qərarına gəlib.

Rusiya Xarici İşlər Nazirliyi daha əvvəl bildirmişdi ki, Əsəd "Suriya Ərəb Respublikası ərazisində silahlı münaqişənin bir sıra iştirakçıları" ilə danışıqlardan sonra vəzifəsini və ölkəni tərk etmək qərarına gəlib.

Əli Babayev