Si Cinpin ABŞ-ı ticarət müharibələrini dayandırmağa çağırıb

Çin ümid edir ki, Birləşmiş Ştatlar ikitərəfli münasibətləri davamlı inkişafa yönəltmək üçün tezliklə Çinlə əməkdaşlığa başlayacaq. SİA-nın məlumatına görə, bunu Çin prezidenti Si Cinpin deyib.

Si Cinpin Pekində iri beynəlxalq iqtisadi təşkilatların yüksək vəzifəli şəxsləri ilə görüşü zamanı deyib ki, tarif, ticarət və elmi-texniki müharibələr tarixi tendensiyalar və iqtisadi nümunələrə ziddir. Burada qaliblər olmayacaq...

Çin prezidenti əlavə edib ki, Çin ABŞ hökuməti ilə birlikdə dialoqu davam etdirməyə və əməkdaşlığı genişləndirməyə hazırdır.

Əvvəllər Çinin ikitərəfli ticarət-iqtisadi əlaqələrin inkişafına birgə kömək etmək üçün ABŞ ilə əlaqələri gücləndirməyə və fikir ayrılıqlarını aradan qaldırmağa hazır olduğunu bildirilmişdi.

Əli Babayev