Kiyevdə güclü partlayışlar baş verib FOTO

Rusiya növbəti dron hücümü ilə Kiyev şəhərində faciələr yaradıb. Şəhərdə dağıntılar baş verib, 4 nəfər həyatını itirib, 20-ə yaxın insan isə yaralanıb. Bu barədə Kiyev Dövlət Hərbi Aviasiya İdarəsinin rəisi Timur Tkaçenko sosial media hesabında yazıb. Onun sözlərinə görə, düşmənin paytaxta hücumu nəticəsində 4 nəfər ölüb, 20- nəfər isə yaralanıb, Darnitski rayonunda 9-cu və 10-cu mərtəbələrdəki yaşayış binasında yanğın baş verib.

Kiyev meri Kliçko isə Darnitski rayonunda bir nəfərin öldüyünü bildirib, daha dörd nəfər yaralanıb. Onlardan ikisi xəstəxanaya yerləşdirilib: “Paytaxtda iki nəfər həlak olub, beş nəfər yaralanıb. Onlardan üçünə yerindəcə tibb işçiləri tərəfindən yardım göstərilib. İki nəfər xəstəxanaya yerləşdirilib. Dnepr rayonunda dron 12 mərtəbəli yaşayış binasına dəyən yanğın baş verib. Bina qismən dağılıb. Həmçinin, dron 24 mərtəbəli qeyri-yaşayış binasına dəyən Peçerski rayonunda 23-cü və 24-cü mərtəbələr zədələnib və yanğın baş verib. Gecə yarısında isə növbəti dron hücümü zamanı Kiyevdə 7 nəfər ölüb, on altı nəfər yaralanıb. Onlardan üçü xəstəxanaya yerləşdirilib”

Kliçko onu da bildirib ki, düşmənin paytaxta kütləvi hücumu nəticəsində vacib infrastruktur zədələnib. Şəhərin bəzi ərazilərində elektrik enerjisi kəsilir. Kliçko həmçinin vacib infrastruktura dəyən ziyan səbəbindən su təchizatında fasilələr olduğunu bildirib.

Digər məlumata görə, 8 yanvar axşamı Lvovda hava hücumu siqnalı verildikdən sonra partlayışlar eşidilib. Daha sonra bölgədəki vacib infrastruktur obyektinə zərbə endirildiyi bildirilib. Ukrayna Hərbi Hava Qüvvələri Komandanlığının Rabitə İdarəsinin rəisi polkovnik Yuri İqnat Ukrayna mətbuatına bildirib ki, Rusiya ilkin məlumata görə, "Oreshnik" sisteminin yerləşdiyi Həştərxan vilayətindəki "Kapustin Yar" təlim poliqonundan Lvov bölgəsinə hücum edə bilərdi.

Sadovyi bildirib ki, Rusiyanın Lvov bölgəsinə "Oreshnik" sistemi ilə hücum edib-etmədiyi hələ məlum deyil.

İlham