Rusiyadan Hindistan üçün endirim - FAKT

Rusiya neft istehsalçıları Donald Tramp administrasiyasının tətbiq etdiyi sanksiyalar səbəbindən neft emalı zavodlarının imtina etdiyi tədarükləri satmaq üçün Hindistan üçün xam neftə endirimləri artırmağa davam edirlər. Bu barədə Rusiya enerji şirkətinin keçmiş yüksək vəzifəli rəhbəri Financial Times qəzetinə verdiyi şərhdə məlumat verib.

Urals markalı xam neftin orta ixrac qiyməti dekabr ayında pandemiyadan sonrakı minimum olan 39 dollara və yanvar ayında qiymətlər daha da aşağı düşərək ayın ortasında 34-36 dollara, sonunda isə 36-38 dollara düşüb. Rusiya neftinə endirimlər barel üçün 25 dolları keçdi. Lakin bəzi tədarüklər üçün barel üçün təxminən 40 dollara çatıb.

Hindistan Rusiyadan xam neft alışını getdikcə azaldır və idxalını şaxələndirir. Bloomberg-in hesablamalarına görə, dekabr ayında Hindistan limanlarına orta gündəlik tədarük təxminən 1,2 milyon barelə düşüb (üç ildən çox müddətdə ən aşağı). 21 yanvarda Avropa Birliyinin Rusiya xam neftindən hazırlanan neft məhsullarının tədarükünə qoyduğu qadağa qüvvəyə mindi. Hindistan əvvəllər Aİ-yə bu cür yanacağın əsas təchizatçısı idi.

Məlum olduğu kimi, Rusiya neftini daşıyan çoxsaylı tankerlər Hindistan və Çin sahillərində toplaşıb və yerli limanlar onları qəbul etmədiyi üçün yüklərini sata bilməyiblər. Onu da əlavə etmək lazımdır ki, avqust ayından bəri ABŞ Hindistanı Rusiya neftindən imtina etməyə məcbur etmək üçün ona tarifləri 50%-ə qədər artırdığından bəri tankerlərdə saxlanılan neftin həcmi 60 milyon barel artıb.

VƏLİ