İran Amerika qoşunlarını "yandırmaqla" hədələyir

ABŞ-ın İranda mümkün quru əməliyyatı barədə xəbərlərdən sonra Tehrandan sərt xəbərdarlıq edilib. Parlamentin sədri Məhəmməd Baqer Qalibaf bildirib ki, İran silahlı qüvvələri "Amerika quru qoşunlarının onları yandırmaq və regional tərəfdaşlarını daimi olaraq cəzalandırmaq üçün gəlməsini gözləyir". Bu barədə AP bazar günü, 29 martda məlumat verib.

"Atışmalarımız davam edir. Raketlərimiz atəşə hazırdır. Qətiyyətimiz və imanımız güclənib", - Qalibaf əlavə edib.

Bu açıqlamalar Yaxın Şərq ölkələrinin diplomatik həll yolu tapmaq səyləri fonunda səslənir. Xüsusilə, bölgədə hərbi əməliyyatların dayandırılmasını müzakirə etmək üçün Pakistanda görüş planlaşdırılır.

Bu arada, təxminən 2500 ABŞ dəniz piyadası Yaxın Şərqə gəlib.

Daha əvvəl Pentaqonun İranda bir neçə həftə davam edə biləcək mümkün quru əməliyyatlarına hazırlaşdığı, lakin prezident Trampın hələ də yekun qərar vermədiyi bildirilmişdi.

Xatırladaq ki, İslam İnqilabı Keşikçiləri Korpusu (İİKK) Yaxın Şərqdə yerləşən Amerika universitetlərinə zərbələrlə cavab verəcəyi ilə hədələmişdi. Onlar ABŞ və İsrailin hücumlarının iki İran universitetinə ziyan vurduğunu iddia etmişdilər.

VƏLİ