Pilotsuz təyyarələr həbsxanaya hücum edib

Ekvadorun qərbindəki Quayas əyalətində bir həbsxanaya pilotsuz təyyarələr hücum edib. SİA xəbər verir ki, bu barədə azadlıqdan məhrum edilmişlərlə və yetkinlik yaşına çatmayan məhkumlarla iş üzrə xidmətin Twitter səhifəsində məlumat yayılıb.

"Bu səhər Quayas əyalətindəki bölgə mərkəzinə pilotsuz təyyarələrdən hücum edildi. Üç partlayış baş verib, mərkəzin tavanı zədələnib. Ola bilsin ki, hücum dəstə liderlərinə qarşı yönəlmişdi", deyə xidmət məlumatlandırır.

SNAI nəşri öz paylaşımlarında "vəziyyətin ciddi olduğunu" vurğulayır, söhbət cinayətkar kartellər arasındakı "müharibədən" gedir. Xidmət hələlik itki və tələfat barədə məlumat verməyib.

Universo nəşrinin yazdığına görə, partlayışlar yaxınlıqdakı yaşayış məntəqələrində eşidilib və sakinlər evlərinin pəncərələrinin titrədiyini bildiriblər.