Dünya

  • 7 697

Tailand son 20 ilin ən güclü mussonları ilə mübarizə aparır

image

Cənubi Asiyanın yay turizmi ilə məşhur ölkəsi Tailandda iyul-oktyabr ayları arasında təsirli olan musson yağışları bu il kifayət qədər güclüdür. SİA xəbər verir ki, ölkə daxilində təsirli olan leysan yağışlar kənd yerlərində çayların daşmasına səbəb olarkən, hərbçilər bir çox bölgələrdə xilasetmə işləri aparır.Güclü yağışların səbəb olduğu seldə paytaxt Banqkokda çox sayda avtomobil, ev və iş yeri su altında qalıb. Ötən gün paytaxt küçələrində dəyən ziyanın qiymətləndirilməsini aparan Banqkok qubernatoru Çadçart Sittipunt verdiyi açıqlamada sel sularının son 20 ilin ən yüksək səviyyəsi olan 170 santimetrə çatdığını bildirib. Yardım işlərinə qatılan qubernatorun sel sularında qalan bələdiyyə avtomobilini itələdiyi görülüb.Qubernator Çadçart sosial media hesabından canlı yayımla paytaxt sakinlərinə güclü yağışlı günlərdə motosiklet sürməmələri barədə xəbərdarlıq edib. Ötən gün Tailand hökuməti ölkədəki daşqınlarla əlaqədar 1,6 milyon Tailand bahtı (təxminən 800 min lirə) yardım büdcəsi ayırmağa qərar verib. Bundan əlavə, Phuket adasında və cənub bölgələrində müxtəlif istirahət mərkəzlərinin çimərliklərində qırmızı bayraqların qaldırıldığı, güclü yağış və fırtına zamanı turistlərə çimməmələri barədə xəbərdarlıq edildiyi məlum olub.

sia.az

Digər xəbərlər