Misirdə 20 Yanvar şəhidləri anılıb

Cari ilin yanvar ayının 18-i Azərbaycan Respublikasının Misirdəki Səfirliyində 1990-cı il 20 Yanvar faciəsi şəhidlərinin anma mərasimi keçirilib. Səfirlikdən SİA-ya verilən məlumata görə, tədbirdə Səfirliyin əməkdaşları, Qahirə şəhərində yaşayan, işləyən, təhsil alan həmvətənlərimiz iştirak ediblər.Anma tədbirini giriş sözü ilə Azərbaycan Respublikasının Misirdəki fövqəladə və səlahiyyətli Səfiri Tural Rzayev açaraq, 28 il bundan əvvəl, Azərbaycanda dağılmaqda olan SSRİ silahlı qüvvələrinin dinc əhaliyə qarşı törətdikləri cinayətlərdən danışdı. Azərbaycan xalqının ümumilli lideri Heydər Əliyevin Azərbaycanın Moskvadakı daimi nümayədəliyinə gələrək bu cinayətə qarşı cəsur və mətn mövqeyini nümayiş etdirdiyini vurğulanıbTədbirdə çıxış edən Misirdəki diaspora “Vətənpərvər” təşkilatının sədri, tədqiqatçı-alim Seymur Nəsirov 20 Yanvar faciəsi ilə əlaqədar xatirələrindən söhbət açdı, harada yaşamasından asılı olmayaraq hər bir vətəndaşımızın haqlı mövqeyimizi xarici dostlarına anlatması və ölkəmiz naminə fəaliyyət göstərməsini labüdlüyünü dilə gətirdi.Tədbir iştirakçıları şəhidlərimizin xatirəsini sükutla yad etdi, Səfirlikdə 20 Yanvar faciəsini əks etdirən foto stendlərlə tanış oldular. Sonra 20 Yanvar facisəinə həsr olunan sənədli film nümayiş etdirildi.20 Yanvar faciəsi ilə əlaqədar xəbərlər Misirin yaxin şərq xəbərlər agentliyində, nüfuzlu və yüksək tirajlı qəzetlərində çap olunub.

sia.az