Rusiya biznesləri kütləvi şəkildə Çinə qaçmağa başlayıb

...Uzaq Şərqdən olan Rusiya şirkətləri yüksək vergilər və borclanma xərcləri səbəbindən bizneslərini Çinə köçürməyi düşünməyə başlayıblar.

SİA xəbər verir ki, Dialog.UA-nın əldə etdiyi məlumata görə, Çinli tərəfdaşlar sahibkarlara təxminən 3 faizlə kreditlər, daha aşağı vergilər və kapital xərcləri üçün qrantlar təklif edirlər.

Bu barədə "Opora Rossii"nin rəhbəri Aleksandr Kalinin məlumat verib.

Onun sözlərinə görə, Çinli tərəfdaşlar artıq Uzaq Şərq şirkətlərini Çinin sənaye və texnologiya parklarında qeydiyyatdan keçməyə fəal şəkildə təşviq edirlər.

Kalinin Şərq İqtisadi Forumunun kənarında bildirib ki, "Çindən olan yoldaşlarımız artıq Uzaq Şərq şirkətlərini Çinin sənaye və texnologiya parklarında - təxminən desək, çayın o tayında - yenidən qeydiyyatdan keçməyə sövq edirlər". Biznes Həlləri və Texnologiyaları (DRT, əvvəllər Rusiyada Deloitte) də Rusiya bizneslərinin Çinə köçmək marağını təsdiqləyib.

Hazırda Çində Rusiyanın iştirakı ilə təxminən 3800 təşkilat fəaliyyət göstərir.

Əli Babayev