Ruslar üçün inflyasiya qumbarası...

...Ötən həftə Rusiyada rəsmi inflyasiya 7,22%-i keçib ki, bu da Rusiya Federasiyası Mərkəzi Bankının və Rusiya hökumətinin proqnozlarından xeyli yüksəkdir.

Büdcə hədəflərinə çata bilməməklə yanaşı, Rusiya hökuməti aşağı gəlirli rusların real gəlirlərinin kəskin şəkildə azalmasına da yol verib.

SİA-nın əldə etdiyi məlumata görə, bunu ukraynalı iqtisadçı və maliyyə analitiki Vitali Şapran "Facebook"da yazıb.

Rusiyada rəsmi inflyasiyanın əsas komponentlərindən biri kommunal xidmətlərin qiymətlərinin artmasıdır.

Postsovet məkanında kommunal xərclərin bir növ vergi kimi qəbul edildiyi sirr deyil. Və tarif artım tempi çox sürətli olub:

-Stavropol diyarı (maksimum artım) – 22 faiz;

-Dağıstan Respublikası – 19,7 faiz;

-Tambov vilayəti – 17,5 faiz;

-Tümen vilayəti – 17,2 faiz;

-Moskva – 15 faiz;

-Sankt-Peterburq – 14,6 faiz və s.

Bu, əhalinin ən yoxsul təbəqələrinin ailə büdcələrinə zərbə vurub.

Əslində, Rusiya Federasiyasında yoxsullar üçün sözdə inflyasiya artıq 20 faizi keçib, rəsmi rəqəm 7,22 faiz olsa da, istehlakçı inflyasiyasının real səviyyəsi 15-18 faiz təşkil edib.

Əli Babayev