Xəbərlər

  • 4 207

Hacı Əliyev: "Qələbəmi Aprel şəhidlərinin ruhuna ithaf edirəm"

image

Rumıniyanın paytaxtı Buxarestdə keçirilən qitə birinciliyində qızıl medal qazanaraq karyerasında üçüncü dəfə Avropa çempionu olan sərbəst güləşçimiz Hacı Əliyev (65 kq) yarışdan sonra qələbə ilə bağlı təəssüratlarını bölüşüb. SİA-nın məlumatına görə, üçqat Avropa və dünya çempionu qələbəsini Aprel döyüşlərində şəhid olan Vətən övladlarının xatirəsinə həsr etdiyini vurğulayaraq deyib: “Gördüyünüz kimi çox çətin səbətə düşmüşdüm. Finala qədər güclü rəqiblərlə qarşılaşdım. Bununla belə, titulumu qoruya bildim. Yarış mənim üçün ağır keçdi. Növbəti dəfə Avropa çempionu olduğum üçün şadam. Qələbəmi Aprel şəhidlərinin ruhuna ithaf edirəm. Düzdür, bu, onları geri qaytarmayacaq. Ancaq ümid edirəm ki, bununla az da olsa, onların ruhlarını şad etmiş olaram”.Qarşıdakı yarışlara inamla hazırlaşdığını qeyd edən idmançı bildirib: “Yavaş-yavaş formamın zirvəsinə çatıram. Ancaq dayanmaq olmaz. Hazırlıqları daha da artırmaq lazımdır. Çünki bizi çox güclü dünya çempionatı gözləyir. Bu mötəbər yarışa çox yaxşı hazırlaşmalıyıq”.

sia.az

Digər xəbərlər