"Sevilya" UEFA Avropa Liqasının ilk finalçısı olub

Avropa Liqasında yarımfinal mərhələsi start götürüb.SİA xəbər verir ki, bu gün ilk finalçı müəyyənləşib.Birinci cütlükdə "Sevilya" ilə "Mançester Yunayted" üz-üzə gəlib. 5 dəfə bu turniri qazanmaqla rekordçu olan İspaniya təmsilçisi yenə həlledici qarşılaşmaya vəsiqə əldə edib. "Qırmızı şeytanlar" erkən qolla hesabı açsa da, "Sevilya" əzmkar qələbə qazanmağa müvəffəq olub. Bununla Xulen Lopeteqinin yetirmələri 4 illik fasilədən sonra yenidən Avropa Liqasının finalında oynamaq hüququna yiyələnib. İndiyə qədər 5 dəfə həlledici oyunda iştirak edən (2006, 2007, 2014, 2015, 2016) "Sevilya" bunun hamısında qalib gəlib.Əndəlüs təmsilçisinin finaldakı rəqibi avqustun 17-də keçiriləcək "İnter" - "Şaxtyor" (23:00) matçının qalibi olacaq.Qeyd edək ki, final qarşılaşması avqustun 21-də Kölndə keçiriləcək.

Avropa Liqası
Yarımfinal
16 avqust
"Sevilya" (İspaniya) - "Mançester Yunayted" (İngiltərə) - 2:1
Qollar: Soso, 26, de Yonq, 78 - Fernandes, 9
Baş hakim: Feliks Brix (Almaniya)
Köln stadionu

sia.az