Milli maraqlara xəyanət edənlər: ANCA-nın əlində oyuncağa çevrilənlər - ŞƏRH

Müasir dünya düzənində Azərbaycan mühüm dövlətlərdən biri olaraq qəbul edilir. Prezident İlham Əliyevin yürütdüyü milli maraqlarımıza xidmət edən uğurlu siyasət Azərbaycan dövlətinin nüfuzunu və dünyanın siyasi xərtitəsində əhəmiyyətini artırır. Ölkəmizin əldə etdiyi uğurlar, beynəlxalq aləmdə nüfuzunun davamlı olaraq artması, etibarlı tərəfdaş kimi qəbul edilməsi heç şübhəsiz ki, bır sıra dairələri və erməni lobbisini kəskin formada narahat edir. Odur ki, son dövrlər Azərbaycan dövlətinə və Prezident İlham Əliyevə qarşı qara piar kampaniyalarının həyata keçiriləməsinə ciddi cəhdlər edilir.

Sülh Şurasının ilk iclasında iştirak etmək üçün Amerika Birləşmiş Ştatlarında səfərdə olan Prezident İlham Əliyevin qaldığı otelə bir qrup təxribatçının daxil olmaq cəhdləri də Azərbaycan dövlətinə qarşı qurulmuş məkrli planın tərkib hissəsidir. Bu planın arxasında da Amerika Erməni Milli Komitəsinin (ANCA) dayandığı qısa zamanda bəlli oldu. ANCA tərəfindən Azərbaycan dövlətinə və Prezident İlham Əliyevə qarşı iyrənc kampaniyalar dəfələrlə həyata keçirilib. Maraqlısı da odur ki, ANCA hər dəfə alət olaraq özünü siyasi mühacir adlandıran anti-milli ünsürlərdən istifadə edir. Sevinc Osmanqızı, Qənimət Zayidov, Əli Kərimli, Ərəstun Oruclu, Altay Göyüşov, Tofiq Yaqublu kimiləri bu sahədə mənəviyyat itirib, ad çıxarıblar.

Prezident İlham Əliyevin qaldığı otelin qarşısında təxribata çəhd edənlər “yeni simalar” idilər. Daha doğrusu, ANCA-nın yeni alətləri! Bu təxribatda öndə gedənlərdən birinin soy adı xüsusilə diqqət çəkir. YAQUBLU Rəhim! Həmin bu Rəhim “atvyorka” ləqəbli Tofiq Yaqublunun oğludur. Atasının yarım qalan yolunu balası davam etdirir. Görünən odur ki, Yaqublular ailəlikcə ANCA-nın alətlər setinə daxildirlər.

Baş vermiş təxribat cəhdlərinin ANCA və eləcə də erməni lobbisinin təsir dairəsində olan, anti-Azərbaycan mövqeli siyasətçi Frenk Palloni tərəfindən müzakirəyə çıxarılması sifarişin mənbəyini təsdiqləmiş olur.

Görünür erməni lobbisi və onun sifarişlərini icra edən anti-milli ünsürlər Dəmir Yumruğun yerində olduğunu unudublar. Azərbaycan dövlətinə, Azərbaycan Prezidentinə qarşı çıxanlar mütləq Dəmir Yumruqla qarşılaşacaqlar!

Anar Şahmuradov

YAP Ağdaş rayon təşkilatının ideoloji işlər üzrə məsləhətçisi