Tehran yeni şərtlər qoyur...

İran və Oman Hörmüz boğazında gəmiçilik marşrutlarının bərpası ilə bağlı danışıqları davam etdirir.

SİA APA-ya istinadən xəbər verir ki, İranın xarici işlər naziri Abbas Əraqçi boğazın yenidən açılmasının ABŞ-ın iyun ayında imzalanmış anlaşma memorandumunun şərtlərinə əməl etməsindən asılı olacağını bildirib.

Tehran və Maskat arasında aparılan danışıqlar Hörmüz boğazında gəmi hərəkətinin gələcək taleyi və regiondakı enerji daşımalarının təhlükəsizliyi baxımından diqqətlə izlənilir. İran tərəfi boğazla bağlı qərarı ABŞ-ın üzərinə götürdüyü öhdəliklərin yerinə yetirilməsi ilə əlaqələndirir.

Tehran növbəti danışıqlar baş tutarsa, yeni şərtlərlə çıxış edəcəyini bildirib.