Si Cinpinin baş ideoloqu həyəcan təbili çalıb

...Çin Kommunist Partiyasının baş ideoloqu Van Huninq hakim rejimə həm xaricdən, həm də daxildən gələn ciddi təhdidlər barədə xəbərdarlıq edib.

O, əsas çətinliklər kimi texnoloji inqilabı, əhalinin yaşlanmasını, sosial bərabərsizliyi, rəsmi korrupsiyanı və partiyanın ideoloji təsirinin zəifləməsini göstərib.

Onun qiymətləndirmələri Çin rəhbərliyi arasında cəmiyyət üzərində nəzarəti qorumaq qabiliyyəti ilə bağlı artan narahatlığı göstərir

SİA xəbər verir ki, The Economist 3 noyabrda partiya qəzeti olan People's Daily-də dərc olunan məqalədə Vanq Çin prezidenti Si Cinpinin tezisini genişləndirib və o, getdikcə daha ciddi olan üç çətinliyi qeyd edib: milli təhlükəsizlik, sabitliyin və islahatların qorunması və partiya ideologiyasının saflığı...

Çin cəmiyyətindəki dəyişikliklər xüsusilə narahatedicidir. Əhali qocalır və azalır, avtomatlaşdırma ənənəvi məşğulluğu təhdid edir və təxminən 320 milyon insan ənənəvi partiya mexanizmləri vasitəsilə idarə olunması çətin olan müvəqqəti və platforma işlərində çalışır.

Vanq həmçinin korrupsiyanı, xarici ideyaların təsirini və bəzi məmurların ölkə rəhbərliyinə inamının azalmasını da vurğulaypb.

Eyni zamanda, təxminən 100 milyon üzvü olan bir partiyanı idarə etmək özü getdikcə daha mürəkkəb bir vəzifəyə çevrilir. Xarici təhdidlərə süni intellektin inkişafı, proteksionizm və xarici siyasətin, xüsusən də ABŞ-ın gözlənilməzliyi daxildir. Vanq "hər cür fırtına" və "bir-birinin ardınca yaranan çətinliklərdən" danışır.

Pekin bu problemlərin həllini siyasi liberallaşdırma kimi deyil, hakimiyyətin daha da mərkəzləşdirilməsi, texnologiya şirkətlərinə nəzarətin artırılması və cəmiyyət üzərində partiya nəzarəti kimi görür.

Əli Babayev