NSJ: Dronlar Rusiyanı iflic edir və Putin bunun qarşısını ala bilməyəcək

...Ukrayna Rusiya infrastrukturuna qarşı hücum kampaniyasını gücləndirir, getdikcə daha çox logistika mərkəzlərini və nəqliyyat, eləcə də təchizatla əlaqəli kommersiya obyektlərini hədəf alır.

SİA-nın əldə etdiyi məlumata görə, The National Security Journal yazır ki, daha bir zərbə Rusiyanın ikinci ən böyük onlayn platforması olan Ozona dəyib.

Şirkətin məlumatına görə, 22 avqustdan bəri Rusiyanın cənubundakı ən azı altı Ozon logistika obyektinə hücum edilib.

Bir sıra bölgələrdə işçilər təxliyə edilməli olub, bəzi anbarlarda yanğınlar baş verib və işlər müvəqqəti olaraq dayandırılıb.

Ən ciddi ziyan Mahaçqalada və Krasnodar yaxınlığındakı Enem kəndində qeydə alınıb.

Mahaçqalada bir neçə işçi yüngül xəsarət alıb.

Eyni zamanda Samara və Orenburq vilayətlərindəki obyektlərə də zərbələr endirilib.

Hücumlar maliyyə bazarına da təsir edib. Bazar ertəsi günü Moskva Fond Birjasında Ozon səhmləri təxminən 30 faiz ucuzlaşıb, bundan sonra birja kotirovkaların kəskin hərəkəti səbəbindən xüsusi hərrac keçirməyə məcbur olub.

Ozona qarşı kampaniya Rusiyanın ən böyük bazarı olan Wildberries-ə hücumların davamı idi.

Nəşrin məlumatına görə, 18 iyuldan bəri onun iyirmidən çox anbarına hücum edilib. Ukrayna tərəfi iddia edir ki, bir gecədə Rusiyanın arxa cəbhəsində 66 obyektə zərbə endirib.

Elan edilən hədəflər arasında MiQ-29 qırıcısı, dörd radar stansiyası və bir neçə hərbi obyekt var.

…Pilotsuz sistemlər qüvvələri arxa cəbhənin əməliyyat dərinliyində 66 düşmən hədəfini uğurla məğlub etdi, - deyə Ukrayna pilotsuz sistemlər qüvvələrinin komandanı Robert Brovdi bildirib.

Hücumların miqyası Kremli dövlətin səlahiyyətlərini genişləndirməyə məcbur etdi. Putin, sahibləri obyektləri dronlardan qoruya bilmədikdə və ya zərbələrdən sonra onları tez bir zamanda bərpa edə bilmədikdə, vacib infrastrukturun müvəqqəti nəzarətinə icazə verən bir fərman imzaladı.

Bu şəkildə Moskva iqtisadi infrastrukturu müharibənin yeni reallığından qorumağa çalışır, lakin Ukrayna hücumlarının intensivliyi artmaqda davam edir.

Əli Babayev