Peru İranla əlaqələri kəsməsini “sülhə sadiqliyi” ilə izah edib

...Peru rəhbərliyi İranla qarşıdurmada ABŞ-ın tərəfini tutaraq, İslam Respublikası ilə diplomatik əlaqələrin kəsildiyini elan edib.

SİA-nın əldə etdiyi məlumata görə, Peru Xarici İşlər Nazirliyi bildirib ki, Tehranın siyasəti "tarixən sülhə" və "beynəlxalq hüquqa və demokratiyanın müdafiəsinə hörmətlə" bağlı olan rəsmi Lima üçün qəbuledilməzdir.

Diplomatik nazirliyin açıqlamasında deyilir ki, "Peru Respublikası hökuməti İran İslam Respublikası ilə diplomatik əlaqələri kəsmək qərarına gəlib".

Eyni zamanda, Lima İranın Hörmüz boğazında gəmiçiliklə bağlı hərəkətlərindən dərin narahatlığını ifadə edib.

Bundan əlavə, Peru Xarici İşlər Nazirliyi İslam Respublikasının siyasətindən və müfəttişlərinin İranın nüvə obyektlərinə tam giriş əldə etməyə çalışdığı MAQATE ilə qarşılıqlı əlaqələrindən narazılığını bildirib.

İyunun ortalarında Vaşinqton və Tehran sülh müqaviləsinin bağlanması prosesinə başlamaq üçün memorandum imzalayıblar.

Lakin üç həftə sonra gərginliyin yeni bir mərhələsi başlayıb: ABŞ İranı Hörmüzdə ticarət gəmilərini atəşə tutmaqda günahlandırıb, bundan sonra raket mübadiləsi bərpa olunub. 10 avqustda İran Omanla sularda təhlükəsizliyi təmin etmək üçün yeni mexanizmlər yaratmaq barədə razılığa gəldiyini elan edib.

Qeyd edilib ki, göstərilən bütün xidmətlər üçün ödəniş tələb olunur.

Əli Babayev